2016 йилнинг 6-10 февраль кунлари «Ташкент» Республика фонд биржаси савдоларида 13 та акциядорлик жамиятининг қимматли қоғозлари билан 42 та битим қайд қилиниб, 1,3 млн. дона акция 131,3 млн. сўмга сотилди.

Энг йирик битим 6 февраль санасида «Ipak Yo'li» АТБнинг 1,2 млн. дона акцияси билан 12,2 млн. миқдорида тузилди.

Ҳафта давомида савдо айланмаси ҳажми юқори бўлган эмитентларни «Turonbank»  АТБ (ҳафталик савдо айланмасининг – 42,0 фоизи), «Marg''ilon Fayz savdo kompleksi» АЖ (24,0 фоиз), «Ipak Yo'li» АТБ (9,3 фоиз), «O`ZBEKGEOFIZIKA»АЖ (9,2 фоиз) ва «O'zmetkombinat» АЖ (6,3 фоиз) ташкил этди. Бу ҳафталик савдо айланмасининг 90,6 фоизини ташкил этади.

Ўтган ҳафта фонд биржасида республикамизнинг 6 та ҳудудида жойлашган листинг компаниялари қимматли қоғозлари билан савдо битимлари имзоланди. Биржа битимларининг энг юқори ҳажми Тошкент шаҳри (60,0 фоиз) ва Фарғона вилоятидаги (24,0 фоиз) акциядорлик жамиятлари ҳисобига тўғри келди.

Фонд биржасида йил бошидан буён 11,1 млрд. сўмлик 256 та савдо битими қайд қилинди. Ушбу даврда биржа савдоларида 41 та эмитентнинг 7,9 млн. дона қимматли қоғозлари сотилган.