2024-yil 16-fevral kuni “Toshkent” Respublika fond birjasi (“Toshkent” RFB) 40 dan ortiq ishtirokchilarni jamlagan holda birja aʼzolari (brokerlari) bilan navbatdagi zoom yigʻilishini oʻtkazdi. Yig‘ilishda “Toshkent” RFB Boshqaruv raisi Georgiy Paresishvili qimmatli qog‘ozlar savdosi qoidalariga yangi "FoP Board" bo‘limdan foydalangan holda naqd pul hisob-kitoblarisiz qo‘shimcha emissiya natijasida emitentlar tomonidan o‘z qimmatli qog‘ozlarini joylashtirishga oid o‘zgartirishlar bo‘yicha, shuningdek, birja tariflari bo'yicha yangi takliflarni taqdim etdi.
Georgiy Paresishvili, shuningdek, Birjaning DUK “Qimmatli qog‘ozlar bozori axborot-resurs markazi” bilan, birja a’zolarining so'rov va takliflaridan kelib chiqib, savdo tizimini (EPTK) takomillashtirish bo‘yicha qo‘shma ish natijalari va birja ishtirokchilari uchun yangi imkoniyatlarning paydo bo‘lganligi haqida gapirdi.
Uchrashuv davomida birja a’zolari-brokerlar “Toshkent” RFB Boshqaruv raisiga o‘zlarini qiziqtirgan savollari bilan murojaat qilib, undan batafsil javob olish imkoniga ega bo‘ldilar. "Toshkent" RFB o'z a'zolari-brokerlari bilan ularni qiziqtirgan masalalarni faol muhokama qilishda davom etadi.