2016 йилнинг 11 – 15 июль кунлари «Ташкент» Республика фонд биржаси савдоларида4 та акциядорлик жамиятининг қимматли қоғозлари билан 8 та битим қайд қилиниб, 471 минг дона акция 101,2 млн. сўмга сотилди.

Ҳафта якунлари бўйича умумий савдо айланмасида қимматли қоғозлар иккиламчи бозорининг улуши юқорилиги кузатилиб, 100 фоиз, бирламчи бозор ҳиссаси эса 0 фоизни ташкил этди.

Энг йирик битим 15 июль санасида «Hamkorbank»  АТБнинг 459,1 минг дона акцияси билан 71,2 млн. сўм миқдорида тузилди.

Ўтган ҳафта фонд биржасида республикамизнинг 3 та ҳудудида жойлашган листинг компаниялари қимматли қоғозлари билан савдо битимлари имзоланди. Биржа битимларининг энг юқори ҳажми Андижон вилояти (70,3 фоиз) ва Тошкент шаҳридаги (25,7 фоиз )акциядорлик жамиятлари ҳисобига тўғри келди.

Фонд биржасида йил бошидан буён 150,9 млрд. сўмлик 1986 та савдо битими қайд қилинди. Ушбу даврда биржа савдоларида 87 та эмитентнинг 153,9 млн. дона қимматли қоғозлари сотилган.

Умумий биржа савдо айланмасида қимматли қоғозлар иккиламчи бозорининг улуши 64,0 фоизни ёки 96,6 млрд. сўмни ташкил этди. Бирламчи бозор улуши эса 36,0 фоиздан иборат бўлди. Йил бошидан буён биржа савдо айланмасида тижорат банкларининг қимматли қоғозлари билан амалга оширилган битимлар ҳажми юқорилигича қолмоқда. Тижорат банкларининг умумий савдо айланмасидаги улуши 56,3 фоиз ёки 85,0 млрд. сўмни ташкил қилади.