Биржа котировка варағига киритилган эмитентларнинг листинг бадаллари тўғрисидаги НИЗОМ

«Тошкент» РФБ б иржа котировка варағига киритилган

эмитентларнинг листинг бадаллари тўғрисидаги

НИЗОМ

        Ушбу Низом Ўзбекистон Республикасининг 12.09.2014 йилдаги №ЎРҚ-375 (Ўзбекистон Республикаси қонунлари тўплами, 2014 й., №38, 481-модда) билан тасдиқланган Ўзбекистон Республикасининг янги таҳрирдаги “Биржалар ва биржа фаолияти тўғрисида”ги, 22.07.2008 йилдаги “Қиматли қоғозлари бозори тўғрисида”ги №ЎРҚ-163 (Ўзбекистон Республикаси қонунлари тўплами, 2008 й., № 29-30, 278-модда) Қонунларига, “Устав капитали 500 миллион сўмдан ортиқ бўлган акциядорлик жамиятларини фонд биржасида мажбурий листингдан ўтказиш тартиби тўғрисидаги Низом”га (Ўзбекистон Республикаси Адлия вазирлиги томонидан 01.05.2008 йилда №1801 рақам билан рўйхатга олинган), бошқа қонунчилик ҳужжатларига, «Тошкент» РФБ АЖ Низомига ва «Тошкент» РФБ АЖнинг бошқа ички ҳужжатларига мувофиқ ишлаб чиқилган ҳамда эмитентнинг қиматли қоғозлари «Тошкент» РФБ биржа котировка варағига киритилиши ва унда бўлиши чоғидаги тўловлар ва йиғимлар тартибини белгилайди.

I. Умумий қоидалар

1. Мазкур Низомда қуйидаги асосий тушунчалардан фойдаланилади:

Биржа – «Тошкент» Республика фонд биржаси АЖ;

биржа котировка варағи - тегишли «А», «В», «С» ва «Р» тоифалари бўйича Биржа савдоларига қўйилган қиматли қоғозлар рўйхати;

биржа листинги – қимматли қоғозларни, уларни биржа котировка варағига киритган ҳолда қимматли қоғозлар биржа савдосига қўйиш процедураси;

делистинг – эмитентнинг қимматли қоғозларини биржа котировка варағидан чиқариш процедураси;

Биржанинг масъул бўлинмаси – Биржанинг листинг компаниялари билан ишлаш учун жавобгар бўлган штатли бўлинмаси;

биржа котировка варағининг «А» тоифаси – эмитентларнинг биржа листингидан ўтган ва мазкур тоифадаги листинг талабларини қаноатлантирадиган қимматли қоғозлари рўйхати;

биржа котировка варағининг «В» тоифаси – эмитентларнинг биржа листингидан ўтган ва мазкур тоифадаги листинг талабларини қаноатлантирадиган қимматли қоғозлари рўйхати;

биржа котировка варағининг «С» тоифаси – эмитентларнинг биржа листингидан ўтган ва мазкур тоифадаги листинг талабларини қаноатлантирадиган қимматли қоғозлари рўйхати;

биржа котировка варағининг «Р» тоифаси – Ўзбекистон Республикаси Президентининг ва/ёки Ўзбекистон Республикаси Вазирлар Маҳкамасининг қарорларига мувофиқ биржа савдоларига қўйиладиган, биржа листингидан ўтган давлат акциялари ва қимматли қоғозлари рўйхати (агар эмитент ва унинг қимматли қоғозлари илгари «А» ёки «В» ёки «С» тоифаларига киритилмаган бўлса);

листинг компаниялари – қиматли қоғозлари биржа котировка варағига киритилган эмитентлар;

Листинг комисияси – Биржанинг қиматли қоғозлар биржа листинги ва делистингини амалга оширадиган комиссияси.

II . Қиматли қоғозларни биржа котировка варағига киритиш ва унда бўлиши чоғидаги йиғимлар ва листинг бадаллари

2. Биржа котировка варағига киритиш тўғрисида ариза бериш чоғида эмитентнинг молиявий аҳволи экспертизасини амалга ошириш учун эмитент Биржага Ўзбекистон Республикаси Президенти томонидан белгиланган ариза топшириш санасидаги энг кам иш ҳақининг (ЭКИҲ) бир баравари миқдорида Биржа йиғими тўлайди.

3. Қимматли қоғозлари биржа котировка варағида бўлган чоғда листинг компанияси Биржага эмитентнинг молиявий аҳволи мониторингини ўтказганлиги, унинг қимматли қоғозлари қадрлилигини баҳолаганлиги (листингни мададлаш) ва ушбу Низомга мувофиқ котировка қилганлиги учун йиллик листинг бадали тўлайди.

4. Йиллик листинг бадали биржа котировка варағининг «А», «В» ва «С» тоифаларида бўлган листинг компаниялари учун белгиланади.

5. Биржа котировка варағига киритиш тўғрисида ариза бериш чоғида эмитентнинг молиявий аҳволи экспертизасини амалга оширганлиги учун йиғим эмитент томонидан Биржанинг ҳисоб рақамига (йўқлаб олинадиган депозит ҳисобварағига) тўланади.

6. Биржа котировка варағига киритиш тўғрисида ариза бериш чоғида эмитентнинг молиявий аҳволи экспертизасини амалга оширганлиги учун йиғим тўланганлиги тўғрисидаги ҳужжатнинг нусхаси Биржага юқорида кўрсатилган ариза билан бир вақтда тақдим этилади.

7. Эмитент томонидан тақдим этилган ҳужжатлар таҳлилига аосланган ҳолда биржа котировка варағига киритиш рад этилган тақдирда Биржага тўланган йиғим эмитентга қайтарилмайди.

8. Листинг бадали ҳар чоракда ундирилади ва эмитент томонидан унинг қимматли қоғозлари биржа котировка варағига киритилгандан сўнг тегишли шартнома асосида тўланади.

9. Листинг компаниясидан унинг қимматли қоғозларини биржа котировка варағига киритиш чоғидаги дастлабки чораклик бадал, эмитент ва унинг қимматли қоғозларини биржа котировка варағига киритилган чоракдан кейинги чоракда ундирилади.

III . Листинг бадалларининг миқдори

10. Листинг бадалларининг миқдори листинг компанияси биржа котировка варағининг «А», «В» ёки «С» тоифаларида бўлишига боғлиқ равишда белгиланади. Шунинг баробарида:

«А» тоифаси учун - энг кам иш ҳақининг 50 баробари;

«В» тоифаси учун - энг кам иш ҳақининг 30 баробари;

«С» тоифаси учун - энг кам иш ҳақининг 20 баробари.

11. Ўзбекистон Республикаси Ҳукуматининг қарорига биноан реализация қилинаётган, биржа котировка варағининг «Р» тоифасига киритилган давлат акциялари ва қимматли қоғозлардан йиғим ва йиллик листинг бадали ундирилмайди.

12. Биржа котировка варағидан чиқарилган қимматли қоғозлар бўйича йиғим ва йиллик листинг бадаллари эмитентга қайтарилмайди.

IV . Листинг бадалларини тўлаш тартиби

13. Эмитент ва унинг қимматли қоғозларини биржа котировка варағининг тегишли тоифасига киритиш чоғида йиллик листинг бадалини тўлаш чоғидаги дастлабки чораклик бадал, эмитент ва унинг қимматли қоғозлари биржа котировка варағига киритилган чоракдан кейинги чоракдан бошлаб ундирилади, яъни айнан:

а) агар қимматли қоғозлар жорий календарь йилининг 1-чорагида киритилган бўлса, унда Биржа томонидан листинг бадали шу йилнинг фақат 2-чи, 3-чи ва 4-чи чораклари учун ундирилади;

б) агар қимматли қоғозлар жорий календарь йилининг 2-чорагида киритилган бўлса, унда Биржа томонидан листинг бадали шу йилнинг фақат 3-чи, 4-чи чораклари учун ундирилади;

в) агар қимматли қоғозлар жорий календарь йилининг 3-чорагида киритилган бўлса, унда Биржа томонидан листинг бадали шу йилнинг фақат 4-чи чораги учун ундирилади;

г) агар қимматли қоғозлар жорий календарь йилининг 4-чорагида киритлган бўлса, унда Биржа томонидан листинг бадали белгиланган тартибда келгуси календарь йилидан бошлаб ундирилади.

14. Эмитент Биржа томонидан белгиланган йиллик листинг бадалини ўзи хоҳишига кўра қуйидаги муддатларда тўлайди:

ёки йиллик листинг бадалининг тегишли қисмини биринчи чоракдан кейин келувчи ойнинг 10-санасига қадар тўлаш йўли билан ҳар чоракда;

ёки ягона бир марталик тўлов тарзида бир мартада:

а) агар унинг қимматли қоғозлари биржа котировка варағига олдинги йилда киритилган бўлса - йиллик листинг бадалини биринчи чоракдан кейинги ойнинг 10-санасига қадар тўлаш йўли билан;

б) агар унинг қимматли қоғозлари биржа котировка варағига жорий йилда киритилган бўлса - йиллик листинг бадалини унинг қимматли қоғозлари биржа котировка варағига киритилган чоракдан кейинги ойнинг 10-санасига қадар тўлаш йўли билан.

15. Агар эмитент томонидан йиллик листинг бадаллари биринчи чоракдан кейинги ойнинг 10-санасига қадар йиллик листинг бадалини тўлаш йўли билан ёхуд кейинги чораклар учун ягона бир марталик тўлов тарзида бир мартада тўланадиган бўлса, Ўзбекистон Республикаси Президенти томонидан белгиланган энг кам иш ҳақининг миқдори ўзгариши муносабати билан листинг бадалини қайта ҳисоблаш амалга оширилмайди.

15-1. Агар эмитент томонидан жорий чорак учун йиллик листинг бадаллари тўланган, унинг қимматли қоғозларига нисбатан эса делистинг ўтказилган бўлса, кўрсатилган чорак учун амалга оширлган листинг бадаллари эмитентга қайтарилмайди.

15-2. Агар эмитент томонидан жорий чорак учун йиллик листинг бадаллари тўланган, унинг қимматли қоғозлари эса ушбу чоракда Биржа томонидан биржа котировка варағининг янада юқорироқ ёки қуйироқ тоифасига ўтказилган бўлса, йиллик листинг бадаллари миқдори Биржа томонидан бундай ўтказиш амалга оширилган санадан бошлаб, биржа котировка варағининг тегишли тоифаси учун белгиланган листинг бадаллари миқдорини ҳисобга олган ҳолда тўғриланади.

16. Эмитент томонидан йиллик листинг бадалининг тўланиши Биржанинг молиявий хизмати томонидан тайёрланган ҳисоб-фактурага асосан амалга оширилади.

17. Ҳисоб-фактура охирги иш чораги санасига ёзилади ва эмитентга бевосита ёки уни хабардор этган ҳолда буюртма хат жўнатиш орқали топширилади. Ҳисоб-фактура, унинг имзоланган нусхаси Биржага қайтарилмаган тақдирда, қабул қилиб олинган ва эътироф этилган ҳисобланади.

V . якуний қоидалар

18. Йиллик листинг бадали белгиланган муддатларда тўланмаган тақдирда, Биржа Бошқаруви эмитентнинг қиматли қоғозларига делистинг процедурасини қўллаш ва уни биржа котировка варағидан чиқариш ҳуқуқига эга.

19. Ушбу Низомга барча ўзгартириш ва қўшимчалар Биржа Бошқарувининг тақдимномасига биноан Кузатув кенгаши томонидан қабул қилинади.