Компания ҳақида маълумот

 «DORI-DARMON» акциядорлик компанияси акциядорларининг

навбатдан ташқари умумий йиғилиши ўтказилиши тўғрисида

ХАБАРНОМА 

Ҳурматли акциядорлар! 

«DORI-DARMON» АК Кузатув кенгашининг 2025 йил 15 октябрдаги қарорига асосан Компания акциядорларининг навбатдан ташқари умумий йиғилиши 2025 йил 14 ноябрь куни, Тошкент шаҳар, Чорсу майдони, 21-уйда жойлашган Компания мажлислар залида ўтказилади.

Йиғилиш соат 11:00 да бошланади. Акциядорларни руйхатга олиш соат 10:00 дан бошланади. Акциядорларни руйхатга олиш соат 10:50 да тугатилади Умумий йиғилиш ўтказиш учун Компания акциядорлари реестри 2025 йил 10 ноябрь ҳолатига тузилади.

Электрон почта манзили: office@doridarmon.uz.

 Кун тартиби:

1.    Акциядорларнинг навбатдан ташқари умумий йиғилиши регламентини тасдиқлаш тўғрисида.

2.    «DORI-DARMON» АК томонидан «Ўзбекистон Республикаси Ташқи иқтисодий фаолият миллий банки» акциядорлик жамияти Мирзо Улуғбек филиалидан 3 450 000 (уч миллион тўрт юз эллик минг) АҚШ доллари миқдорида банк кафолати олиш тўғрисида.

Ўзбекистон Республикаси “Акциядорлик жамиятлари ва акциядорларнинг хуқуқларини химоя қилиш тўғрисида”ги қонуннинг 40-41 моддаларига асосан, “DORI-DARMON” АК акциядорлари, “жамият томонидан мол-мулкни олиш ёки бошқа шахсга бериш билан боғлиқ йирик битим  тузиш тўғрисида”ги қарорга қарши овоз берган бўлса ёхуд овоз беришда узрли сабабларга кўра иштирок этмаган бўлса, ўзларига тегишли акцияларнинг ҳаммаси ёки бир қисми жамият томонидан қайтариб сотиб олинишини талаб қилишга ҳақли эканликларини маълум қиламиз.

Акцияларни жамият томонидан қайтариб сотиб олинишини талаб қилиш ҳуқуқига эга бўлган акциядорларнинг рўйхати 2025 йил “10” ноябрь ҳолатига тузилади.

Жамият томонидан акцияларни қайтариб сотиб олиш акцияларнинг бозор қиймати бўйича нақдсиз пул ўтказиш йўли билан (миллий валютада) амалга оширилади.

Жамият акциялари “Тошкент” Республикаси фонд биржаси котировка варағига киритилган бўлиб, Жамият томонидан сотиб олинадиган 1 дона оддий акциянинг бозор қиймати "Тошкент" РФБдаги 2025 йил 14 ноябрь ҳолатига Компания оддий акцияларининг котировка нархи доирасида амалга оширилади.

Акцияларни жамият томонидан қайтариб сотиб олиниши учун акциядорлар:

а) акциядорнинг яшаш манзили (жойлашган жойи), депо хисоб варағидан кўчирма (ёки нусхаси), сотиб олиниши талаб қилинаётган акциялар сони ва акцияларни тўлаш учун маблағлар ўтказилиши лозим бўлган банк реквизитларини кўрсатган ҳолда жамиятга ўз акцияларини қайтариб сотиб олиш тўғрисида ёзма талаб (ариза) юбориши;

б) Паспорт билан шахсан келиши ёки акцияларни қайтариб олиш шартномасини тузиш учун тегишли тарзда расмийлаштирилган ишончнома билан ваколатли вакилни жамиятга юбориши;

с) юридик шахс мақомига эга бўлган жамият акциядорлари билан акцияларни қайтариб сотиб олиш тўғрисида шартнома тузиш учун ушбу юридик шахс раҳбари ёки ваколатли вакили иштирок этиши лозим бўлади.

Акциядорларнинг ўзларига тегишли акцияларнинг жамият томонидан қайтариб сотиб олиниши тўғрисидаги ёзма талаблари акциядорлар умумий йиғилишининг тегишли қарори қабул қилинган кундан эътиборан 30 (ўттиз) кундан кечиктирмай жамиятга тақдим этилиши керак. Мазкур муддат тугаганидан сўнг, Жамият, қайтариб сотиб олиш талабини қўйган акциядорлардан акцияларни 10 (ўн) кун ичида қайтариб сотиб олади.

Жамиятнинг ўз акцияларини сотиб олиши буйича тузиладиган шартномалар (битимлар), қонун ҳужжатларида белгиланган тартибда уюшмаган биржадан ташқари қимматли қоғозлар бозорида амалга оширилади ва акциядорларга хизмат кўрсатувчи инвестиция воситачилари томонидан рўхатдан ўтказилади. Инвестиция воситачилари хизмати хақи Жамият томонидан тўланади.

Жамият томонидан акцияларни қайтариб сотиб олишга йўналтириладиган маблағларнинг умумий суммаси акциядорларда ўзларига қарашли акцияларни қайтариб сотиб олишни талаб қилиш ҳуқуқи юзага келишига сабаб бўлган қарор қабул қилинган санадаги жамият соф активлари қийматининг ўн фоизидан ошиб кетиши мумкин эмас.

Акциядорларнинг умумий йиғилишида қатнашиш ва овоз бериш учун, акциядорларда шаҳсни тасдиқловчи хужжат, акциядорлар вакилларида эса қонунчиликда белгиланган тартибда расмийлаштирилган ишончнома бўлиши лозим.

Акциядорлар умумий йиғилишда кўриб чиқиладиган масалалар бўйича маълумот ва материаллар билан Тошкент шаҳар, Чорсу майдони, 21-уйда жойлашган «DORI-DARMON» АКнинг биносида ушбу эълон берилган кундан бошлаб йиғилиш ўтказиладиган кунга қадар соат 10:00 дан 17:00 гача танишишлари мумкин.

Телефон: (71) 228-06-96, E-mail: office@doridarmon.uz

Кузатув кенгаши