2023-yil 26-sentabr kuni Toshkent davlat iqtisodiyot universitetida “Kapital bozorini rivojlantirish ustuvor yo‘nalishlari, zamonaviy tendentsiyalari va istiqbollari” mavzusida Respublika ilmiy-amaliy konferensiyasi bo‘lib o‘tdi. Tadbirda kapital bozori infratuzilmasini rivojlantirish bilan bog‘liq turli sohalardagi mutaxassis ekspertlar yig‘ildi. Konferensiyada nutq so'zlaganlar orasida “O‘zbekistonda qimmatli qog‘ozlar bozorini tartibga solish bo‘yicha davlat siyosati muammolari” mavzusini taqdim etgan Davlat aktivlarini boshqarish agentligi huzuridagi Ilmiy-tadqiqot markazi direktori Igor Butikov va “Qimmatli qog‘ozlar bozorining zamonaviy tendentsiyalari va o‘ziga xos jihatlari” mavzusini taqdim etgan “Toshkent” RFB Boshqaruv raisi o‘rinbosari Abduazimxo'ja Abdujabborovni alohida ta’kidlash joiz. 

Shu bilan birga, O‘zbekiston Respublikasi Istiqbolli loyihalar milliy agentligi hamda Iqtisodiyot va Moliya vazirligi tomonidan ham vakillar konferensiyada ishtirok etishdi, bu esa mazkur tadbirning davlat organlari uchun muhimligidan dalolat beradi. Qimmatli qog'ozlar bozorning professional ishtirokchilari dolzarb masalalarni muhokama qilishda faol ishtirok etib, o‘z bilim va tajribalari bilan o‘rtoqlashdilar.

Konferensiya o'z ishini seksiyalar doirasida davom ettirib, unda O'zbekistonda kapital bozorini rivojlanishiga ijobiy ta'sir ko'rsatish bilan bog'liq masalalar atroflicha muhokama qilindi va ushbu sohadagi zamonaviy muammolar va imkoniyatlarni yanada chuqurroq tushunishga yordam berdi.