Ўзбекистон Республикаси Капитал бозорини ривожлантириш Агентлиги ҳамда “Тошкент” Республика фонд биржаси акциядорлар ҳуқуқлари поймол этилишининг олдини олиш мақсадида, акциядорлик жамиятларига қўшимча акциялар чиқариш ҳамда ўз маблағлари ҳисобига қўшимча акциялар чиқарилганда қўшимча акциялар олиш ҳуқуқига эга акциядорлар рўйхатини ёпиш санасини белгилаш тўғрисидаги қарорлар бўйича ахборотни ўз вақтида ошкор этишга қатъий эътибор қаратишни тавсия қилади.

Афсуски, қўшимча акциялар чиқариш қарори қабул қилингандан сўнг ушбу қўшимча акциялар тақсимланадиган акциядорлар рўйхатини шакллантириш санаси анча вақт ўтиб (30 кундан кўп) белгиланганлиги сабабли Агентлик “Ўзбекистон Республика товар-хомашё биржаси” акциядорлик жамиятининг қўшимча акциялар чиқарувини рўйхатдан ўтказишга рад этишга мажбур бўлди.

Ахборотни тўғри тартибда ошкор этиш акциядорлар, жумладан, миноритар акциядорларнинг ҳуқуқларини ҳимоя қилиш ҳамда эмитентнинг капитал бозоридаги обрўини ошириш билан бевосита боғлиқдир.