2024-yil 22-oktabr kuni “Toshkent” RFB AJning binosida “Summer Trading Challenge” har yillik savdo tanlovi g‘oliblarini taqdirlash marosimi bo‘lib o‘tdi.

Tadbir barcha fond bozori ishtirokchilari uchun muhim voqea bo‘lib, kasb mahoratini namoyish etish va o‘zaro tajriba almashish imkonini berdi.

Tanlov yakuniga ko‘ra, eng yaxshi natija ko‘rsatgan 3 nafar g‘olib aniqlandi:

1-o‘rin – Abdullaev Sherzod Alisherovich

2-o‘rin – Qilichov Shaxzod Yunusovich

3-o‘rin – Parmanqulov Abdunabi Maxamatganievich

G‘oliblarga faxriy yorliqlar hamda tanlov tashkilotchilari va hamkorlari tomonidan pul mukofotlari topshirildi.

"Summer Trading Challenge" fond bozorining ahamiyatini ta'kidlash va mamlakatda investitsiya madaniyatini rivojlantirishga hissa qo'shish uchun yaratilgan noyob imkoniyatdir.

Tanlov “Toshkent” RFB AJ tomonidan, texnologik hamkor Jett.uz, shuningdek homiylar: Ipak Yo'li Banki, Hamkor Bank va Leader Finance Capital ko'magida tashkil etildi.

“Toshkent” Respublika fond birjasi tadbirni qo‘llab-quvvatlaganliklari uchun barcha ishtirokchilar va hamkorlarga o‘z minnatdorchiligini bildiradi va g‘oliblarni erishgan muvaffaqiyatlari bilan tabriklaydi!