Uchrashuvda "Toshkent" RFB Kuzatuv kengashi raisi Nodirbek Husanov, Boshqaruv raisi Georgiy Paresishvili, Boshqaruv raisining birinchi o‘rinbosari Zafar Samatov, shuningdek, NASDAQ ijrochi vitse-raisi Edvard Nayt va NASDAQ kompaniyasining moliyaviy texnologiyalar bo‘yicha direktori Dmitriy Zelensov ishtirok etdi.

Tomonlar strategik sheriklik istiqbollarini, jumladan, birja texnologiyalari va infratuzilmasini takomillashtirish bo‘yicha birgalikda ishlash, xususiylashtirish tashabbuslarida ishtirok etish, shuningdek, O‘zbekiston emitentlarini ikki mamlakat fond bozorlarida ikki tomonlama listing imkoniyatlarini muhokama qildilar.

Uchrashuv yakunida Georgiy Paresishvili tajriba almashish va birjani rivojlantirishga ilg‘or yondashuv muhimligini ta’kidladi. Xorijiy hamkasblarning tashrifi "Toshkent" RFBning xalqaro hamkorligini kengaytirish va O‘zbekiston fond bozorining investitsiyaviy jozibadorligini oshirishda muhim qadam bo‘ldi.