“Toshkent” Respublika fond birjasi Boshqaruvi raisi birinchi o‘rinbosari o‘z faoliyatini yakunladi
14.11.2025
“Toshkent” Respublika fond birjasi Boshqaruvi raisi birinchi o‘rinbosari Zafar Samatov o‘z xohishiga ko‘ra lavozimini tark etdi.
Zafar Samatov birja faoliyatidagi muhim islohotlar va yangilanish jarayonlarida faol ishtirok etgan, kapital bozori infratuzilmasini rivojlantirish hamda professional jamoani shakllantirishga munosib hissa qo‘shgan rahbar sifatida e’tirof etiladi.
Birja jamoasi uning samarali mehnati, yuksak mas’uliyat bilan ishga yondashuvi va hamkasblarga bo‘lgan hurmati uchun samimiy minnatdorlik bildiradi. Uning faoliyati davomida ko‘rsatgan tashabbuskorligi va qat’iyati birjaning rivojlanish tarixida o‘z o‘rniga ega bo‘ladi.
Butun jamoa Zafar Samatovga kelgusidagi faoliyatida yangi muvaffaqiyatlar, kasbiy va shaxsiy hayotida farovonlik, ilhom va omad tilaydi.