AmCham Uzbekistan va Franklin Templeton hamkorligida o‘tkazilgan oylik yig‘ilish doirasida O‘zbekistonda aksiyalar bozori likvidligini oshirish masalalariga bag‘ishlangan panel muhokamasi bo‘lib o‘tdi.

Panel muhokamasida “Toshkent” Respublika fond birjasi v.v.b. Boshqaruv raisi Fayzulla Tashov ishtirok etib, Birja infratuzilmasini rivojlantirish, savdo jarayonlarini takomillashtirish, investorlar uchun qo‘shimcha imkoniyatlar yaratish hamda me’yoriy-huquqiy bazani yanada mustahkamlash borasida amalga oshirilayotgan chora-tadbirlar xususida ma’lumot berdi.

Shuningdek, tadbir doirasida O‘zbekiston Respublikasi Milliy investitsiya jamg‘armasi (UzNIF) faoliyatiga bag‘ishlangan taqdimot o‘tkazildi.

Muhokamalar chog‘ida dual listing va IPO jarayonlarini faollashtirish, kapital bozorini chuqurlashtirish, xorijiy va mahalliy investorlar ishtirokini kengaytirish kabi ustuvor yo‘nalishlar bo‘yicha ekspertlar fikr almashdilar.