“Toshkent” RFB  qimmatli qog‘ozlar bozori infratuzilmasini rivojlantirish doirasida investorlar uchun kengaytirilgan tahliliy ma’lumotlar platformasini yaratishni boshladi.

Qisqa fursatlarda Birjaning yangi platformasi orqali emitentlar va ularning qimmatli qog'ozlariga doir quyidagi asosiy ko‘rsatkichlar taqdim etib borilishi rejalashtirilgan:

• Likvidlik koeffitsiyentlari (Liquidity Ratios);
• Rentabellik koeffitsiyentlari (Profitability Ratios);
• Aylanuvchanlik / samaradorlik koeffitsiyentlari (Efficiency / Activity Ratios);
• Moliyaviy leveraj koeffitsiyentlari (Leverage / Solvency Ratios);
• Bozor koeffitsiyentlari (Market Ratios);
• Xavf metrikalari (Risk Metrics);
• Daromadlilikni baholash modellari (Return Models);
• Bozor savdo ma’lumotlari (Market Data / Trading Metrics) va boshqa qiziqarli ma’lumotlar.

Yangi yondashuv investorlar va bozor ishtirokchilariga emitentlarni xalqaro standartlar asosida baholash, moliyaviy instrumentlarni chuqur tahlil qilish hamda investitsiya qarorlarini yanada asosli va samarali qabul qilish imkonini beradi.