Joriy yilning 7-may sanasidan boshlab, “O‘zbekiston Respublikasi Milliy investitsiya jamg‘armasi” aksiyadorlik jamiyati (UzNIF) oddiy aksiyalari “Toshkent” Respublika fond birjasining birja kotirovkalash varag‘i "Stock Market" maydonchasining "Premium” kategoriyasiga kiritildi.

Aksiya parametrlari:

• Oddiy aksiya kodi: UZ7058980010
• Tiker: UZNF
  
  

Mazkur joylashtirish Jamg‘arma aksiyalarining mahalliy birlamchi ommaviy taklifi (IPO) doirasida amalga oshirilib, investorlar uchun milliy fond bozori orqali ommaviy savdolarda ishtirok etish imkoniyatini kengaytiradi.

Eslatib o‘tamiz, Jamg‘arma aksiyalarining IPO doirasidagi obuna jarayoni London fond birjasi hamda “Toshkent” Respublika fond birjasida 2026-yil 12-mayga qadar davom etadi. Arizalarni qabul qilish Buyuk Britaniya vaqti bilan soat 12:00da, Toshkent vaqti bilan soat 17:00da yakunlanadi.

Mahaliy taklif "Alkes Research" MCHJ, "Avesta Investment Group" MCHJ va "Bluestone Financial Group Inc" MCHJ XK investitsiya vositachilari hamkorligida boshqarilmoqda.

Jamg‘arma aksiyalari bilan savdolar “Toshkent” Respublika fond birjasida 2026-yil 18-maydan boshlash kutilmoqda.