О компании

“БИЗНЕСНИ РИВОЖЛАНТИРИШ БАНКИ” АТБ

АКЦИЯДОРЛАРИ ДИҚҚАТИГА!

Ҳурматли акциядорлар!

“Бизнесни ривожлантириш банки” АТБ (кейинги - ўринларда Банк) Кузатув кенгашининг 2024 йил 26 сентябрдаги қарорига мувофиқ номинал қиймати                   119,25 (Бир юз ўн тўққиз сўм 25 тийин) сўмлик 22 755 616 440 (Йигирма икки миллиард етти юз эллик беш миллион олти юз ўн олти минг тўрт юз қирқ) дона оддий акцияларни чиқарилиши Ўзбекистон Республикаси ваколатли давлат органи томонидан 2024 йил 17 октябр куни № Р0006-32 сон билан давлат рўйхатидан ўтказилганлигини маълум қиламиз.

Акциялар чиқарилиши қарорига асосан Банк акциялари акциядорларга имтиёзли сотиб олиш ҳуқуқи тақдим этиш билан ёпиқ обуна орқали жойлаштирилади.

Қўшимча чиқарилаётган акцияларни сотиб олишда “Акциядорлик жамиятлари ва акциядорларнинг хуқуқларини ҳимоя қилиш тўғрисида”ги Қонуннинг                        35-36-моддаларига асосан Банк акциядорларига имтиёзли сотиб олиш ҳуқуқи берилади. Имтиёзли сотиб олиш ҳуқуқининг амал қилиш муддати билдиришнома эълон қилинган пайтдан эътиборан 10 (ўн) кун давомида амал қилади.

Банк акцияларини имтиёзли сотиб олиш ҳуқуқига эга шахсларнинг рўйхати 2024 йил 26 сентябр холатига шакллантирилган Банк акциядорлари реестрининг маълумотлари асосида тузилади.

Акциялар 119,25 (Бир юз ўн тўққиз сўм 25 тийин) сўм қийматда жойлаштирилади.

Имтиёзли ҳуқуққа эга бўлган акциядорлар акцияларни олиши тўғрисида ўзининг исми – шарифи (номи) ва яшаш жойи (жойлашган ери), ўзи оладиган акцияларнинг сони кўрсатилган ёзма шаклдаги аризани ва ҳақ тўлаганлик тўғрисидаги ҳужжатни Банкга юбориш орқали ўз имтиёзли ҳуқуқини тўлиқ ёки қисман амалга оширишга ҳақлидирлар. Бундай ариза мазкур имтиёзли ҳуқуқнинг амал қилиш муддати ичида Банкга тақдим этилиши керак.

Акциядорлар акциялар учун тўловларни уларга тўланадиган дивидендлар ҳисобидан амалга ошириш ҳуқуқига эгалар.

Банк акциядорлари олишга хақли бўлган акцияларнинг сонини аниқлаш тартиби қуйидаги формулага асосан аниқланади:

A/25 157 232 705=B

22 755 616 440*B=C

Шунда:

25 157 232 705 – Банк устав капиталидаги умумий акциялар сони;

22 755 616 440 – қўшимча чиқарилган акциялар умумий сони;

А – акциядорнинг Банк устав капиталидаги акциялари сони;

В – Банк устав капиталига мутаносиб равишда акциялар сони;

C – имтиёзли хуқуқ қўлланилганда акциядор томонидан cотиб олинадиган акциялар сони.

Имтиёзли ҳуқуқ амалга оширилган тақдирда, акциядорлар акцияларнинг фақат бутун миқдорини олиши мумкин.

Акциядорлар қўшимча маълумотлар олиш учун Банкга мурожаат қилишлари мумкин.

Маълумот учун телефон: +998 (78) 150-76-65.