Акционерный коммерческий банк «Асака»

Банк «Асака»

ASBU

г. Ташкент, ул. Нукус 67.

Республика Узбекистан, 100015, г. Ташкент, ул. Нукус, 67

cenbum@asakabank.uz

asakabank.uz

06

Решения, принятые высшим органом управления эмитента

Внеочередное

06 декабря 2019 года

13 декабря 2019 года

г.Ташкент, ул. Нукус, 67

99,14%

Ўзбекистон Республикаси Марказий банки томонидан 2019 йил «____»_______________ _______ - сон билан рўйхатга олинди Ўзбекистон Республикаси Марказий банк Раиси ўринбосари _____________________ Захидов Б.Э. М.Ў. “Асака” акциядорлик тижорат банки Уставига киритиладиган ўзгартириш ва қўшимчалар ТАСДИҚЛАНДИ: “Асака” акциядорлик тижорат банки Акциядорлар навбатдан ташқари умумий йиғилишининг 2019 йил «___»____________ ______ - сонли Баённома қарори “Асака” акциядорлик тижорат банки Кенгаши Раиси ________________________ Вафаев Ш.А. Тошкент ш. 2019 йил «Асака» акциядорлик тижорат банки Уставига киритилган ўзгартириш ва қўшимчалар “Асака” банк Акциядорлар умумий йиғилишининг 2014 йил 30 июндаги 01-сонли Баённома қарори билан тасдиқланган ва Ўзбекистон Республикаси Марказий банки томонидан 2014 йил 11 августда 53-сон билан рўйхатга олинган янги тахрирдаги “Асака” акциядорлик тижорат банки (кейинги ўринда – “Банк”) Уставида: 1. Банк Уставининг “3. Банк операцияларининг рўйхати” Бўлими 3.3., 3.5.–бандлари қуйидаги янги тахрирда баён этилсин: “3.3. Банк ўз фаолиятида қуйидаги банк операцияларини амалга оширади: - пул маблағларини омонатларга (депозитларга) жалб этиш; - тўловларни амалга ошириш, шу жумладан банк ҳисобварақларини очмасдан амалга ошириш; - жисмоний ва юридик шахсларнинг банк ҳисобварақларини, шу жумладан банкларнинг вакиллик ҳисобварақларини очиш ҳамда юритиш; - кредитларнинг уларнинг қайтарилиши, фоизлилиги ва муддатлилиги шарти билан ўз номидан ўзининг маблағлари ҳамда жалб этилган маблағлар ҳисобидан бериш; - чет эл валютаси билан нақд ва нақдсиз шакллардаги операциялар; - жисмоний ёки юридик шахс билан тузилган шартнома бўйича мол-мулкни ишончли бошқариш; - инкассация ва касса хизматларини кўрсатиш; - учинчи шахслар номидан уларнинг мажбуриятлари бажарилишини назарда тутувчи кафолатлар бериш ва бошқа мажбуриятларни қабул қилиш; - учинчи шахслардан пул шаклидаги мажбуриятларнинг бажарилишини талаб қилиш ҳуқуқини олиш (факторинг); - қимматли қоғозларни чиқариш, харид қилиш, сотиш, уларнинг ҳисобини юритиш ва уларни сақлаш, мижоз билан тузилган шартномага биноан қимматли қоғозларни бошқариш, улар билан бошқа операцияларни бажариш; - аффинланган қимматбаҳо металлар сотиб олиш ва сотиш, шу жумладан металларни масъул сақлаш ҳисобварақларини ҳамда металларнинг эгасизлантирилган (жисмоний бўлмаган) ҳисобварақларини юритиш; - қимматбаҳо металлардан ясалган тангаларни сотиб олиш ва сотиш; - ҳосилавий молия воситалари (деривативлар) билан операцияларни амалга ошириш - ҳужжатларни ёки қимматликларни сақлаш учун махсус биноларни ёки уларнинг ичидаги сейфларни ижарага бериш; - лизинг бериш; - қонун ҳужжатларида назарда тутилган шаклларда қарзлар бериш; - молиявий операциялар билан боғлиқ маслаҳат хизматлари кўрсатиш; - активлар мажмуини (портфелини) бошқариш; - электрон пулларни чиқариш, улардан фойдаланиш ва тўлаш; - банк карталарини бериш ва тўловларга ишлов бериш, банк карталарига бошқа ташкилотлар, жумладан бошқа молия институтлари билан биргаликда хизмат кўрсатиш. - Банк Ўзбекистон Республикасининг “Банклар ва банк фаолияти тўғрисида”ги қонун ҳужжатларига мувофиқ бошқа молиявий операцияларни ҳам амалга оширади. - Банк банк фаолиятини амалга ошириш ҳуқуқини берувчи лицензияда кўрсатилмаган молиявий операцияларни амалга оширишга ҳақли эмас.”; “3.5. Банк бевосита ишлаб чиқариш, савдо ва суғурта фаолияти ҳамда Ўзбекистон Республикасининг “Банклар ва банк фаолияти тўғрисида”ги Қонун ҳужжатларида назарда тутилган молиявий операцияларни амалга ошириш билан боғлиқ бўлмаган бошқа фаолият билан шуғулланишга ҳақли эмас. Ушбу банднинг биринчи қисмида кўрсатилган чеклов қуйидаги ҳолларга нисбатан татбиқ этилмайди: а) банк карталари асосида нақд пулсиз ҳисоб-китоблар тизимларида фойдаланиладиган ихтисослаштирилган ускунани ва унга доир дастурий таъминотни сотиш ёки ижарага беришга; б) ўз активларини сотишга; в) чек дафтарчаларини чиқариш, реализация қилиш ва тарқатишга; г) суғурта ташкилотлари бўлган Ўзбекистон Республикаси резидентлари номидан суғурта шартномаси тузилишини ташкил этиш бўйича фаолиятни амалга оширишга; д) Банк ўзи муассис бўлган юридик шахсларга ўз мол-мулкини мулкий ижара (аренда) шартномасига мувофиқ ижарага беришга.” 2. Банк Уставининг “4. Банкнинг ҳуқуқ ва мажбуриятлари” Бўлими 4.2. бандига қуйидаги тахрирда янги хат боши киритилсин: “- жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисидаги қонун ҳужжатлари талабларига риоя этиш.” 3. Банк Уставининг “5. Банк устав капиталининг миқдори, уни кўпайтириш ва каматириш тартиби” Бўлими 5.2. банди қуйидаги янги таҳрирда баён этилсин: “5.2. Банкнинг устав капитали миқдори 5 633 064 552 868,61 (беш триллион олти юз ўттиз уч миллиард олтмиш тўрт миллион беш юз эллик икки минг саккиз юз олтмиш саккиз сўм 61 тийин) сўмни ташкил қилади ва ҳар бирининг номинал қиймати 139,01 (бир юз ўттиз тўққиз сўм 1 тийин) сўм бўлган 40 522 728 961 (қирқ миллиард беш юз йигирма икки миллион етти юз йигирма саккиз минг тўққиз юз олтмиш бир) дона эгасининг номи ёзилган оддий жойлаштирилган акциялардан иборат.” 4. Банк Уставининг 8.1.- бандига қуйидаги янги хат боши киритилсин: “- улуши 10 фоиздан кам бўлмаган акцияларнинг эгалари банкнинг молиявий фаолиятини ташқи аудит текширувидан ўтказиш ташаббуси билан чиқиш.” 5. Банк Уставининг “8. Банк акциядорларининг ҳуқуқ ва мажбуриятлари” Бўлими 8.11. бандига қуйидаги тахрирда янги хат боши киритилсин: “- Ўзбекистон Республикасининг “Банклар ва банк фаолияти тўғрисида”ги қонун талабларига мувофиқликни таъминлаш учун Банк томонидан сўраб олинадиган ахборотларни тақдим этиш.” 6. Банк Уставининг “9. Банк фойдасини, дивидендларни тақсимлаш ва зарарни қоплаш тартиби” Бўлимига қуйидаги тахрирда янги 9.17. ва 9.18.-бандлар киритилсин: “9.17. Банк акциядорларга дивидендлар тўлаш, шунингдек Банк Кенгаши, Бошқаруви аъзолари ва ходимларини мукофотлаш орқали фойдани тақсимлашни қуйидаги ҳолларда амалга оширишга ҳақли эмас: а) пруденциал нормативлар Марказий банк томонидан белгиланган талабларга мувофиқ бўлмаганда ёки улар мазкур тақсимлаш оқибатида бузилганда; б) ночорлик (банкротлик) бўлганда ёки мазкур тақсимлаш оқибатида ночорликнинг (банкротликнинг) аломатлари юзага келганда; в) Марказий банкнинг ижро этилиши мажбурий бўлган кўрсатмасида акс эттирилган, шу жумладан ахборотни ошкор этиш борасида кўрсатилган камчиликлар бартараф этилмаганда ёки уларни бартараф этиш имконияти мавжуд бўлмаганда; г) Марказий банкнинг фойдани тақсимламаслик тўғрисида Банкка нисбатан талаби мавжуд бўлганда. 9.18. Банк қуйидаги ҳолларда фойдани тақсимлаш учун Марказий банкнинг розилигини олиши керак: а) ушбу Уставнинг 9.17.-банди а) кичик бандида кўрсатилган тўловларнинг умумий суммаси Банкнинг ўз капиталининг ўн фоизидан ортганда; б) жорий ёки ўтган чоракда ва (ёки) молия йилида зарар мавжуд бўлганда.” 7. Банк Уставининг “12. Банк Акциядорларининг умумий йиғилиши” Бўлими 12.20 банди қуйидаги янги тахрирда баён этилсин: “12.20. Акциядорларнинг навбатдан ташқари умумий йиғилиши Банк Кенгашининг қарорига кўра унинг ўз ташаббуси асосида, Тафтиш комиссиясининг ёзма талаби, шунингдек ёзма талаб тақдим этилган санада Банк овоз берувчи акцияларининг камида беш фоизига эгалик қилувчи акциядорнинг ёзма талаби асосида ҳамда қонун ҳужжатлари талаблари бажарилмаган тақдирда кун тартибини белгилаш ҳуқуқи билан Марказий банк талаби асосида ўтказилади.” 8. Банк Уставининг “13. Банк Кенгаши” Бўлими 13.1.-банди қуйидаги янги тахрирда баён этилсин: “13.1. Банкнинг Кенгаши Банк фаолиятига умумий раҳбарликни амалга оширади, бошқарувга оид қарорлар қабул қилиш жараёнида назорат ва текширув вазифасини бажаради ҳамда умуман Банкнинг фаолияти ва молиявий барқарорлиги учун жавобгардир. Амалдаги қонунчилик ва Банк Устави билан Акциядорлар умумий йиғилишининг ваколат доирасига киритилган масалаларни ҳал этиш бундан мустасно. Банк Кенгаши Банкни самарали ва тадбирли бошқаришни, шу жумладан Банк бошқаруви аъзолари ўртасида ваколатларнинг ҳамда жавобгарликнинг тақсимланишини, манфаатлар тўқнашувининг олди олинишини ва бартараф этилишини таъминлайдиган бошқарув ташкилий тузилмасини белгилайди ҳамда унинг жорий этилиши устидан назорат ва текширувни амалга оширади.” 9. Банк Уставининг “13. Банк Кенгаши” Бўлимига қуйидаги тахрирда янги 13.3-1, 13.6-1, 13.6-2, 13.6-3 ва 13.9-1-бандлар киритилсин: “13.3-1. Банк Кенгаши ваколатига юқорида назарда тутилган ваколатлари жумласига қўшимча равишда қуйидагилар киради: а) стратегик мақсадларни, корпоратив бошқарув сиёсатини, Банкнинг бошқа ички сиёсатларини, шу жумладан таваккалчиликларни аниқлаш, бошқариш, мониторинг қилиш ва улар тўғрисида хабардор этиш, капиталнинг етарлилигини лозим даражада сақлаб туриш сиёсатини тасдиқлаш ҳамда уларнинг амалга оширилиши устидан назорат қилиш; б) активларни таснифлаш асосида активлар бўйича эҳтимолдаги зарарларга қарши яратиладиган захиралар шакллантирилиши устидан назорат қилиш, шунингдек Банкнинг капитал ва умумий захираларининг етарли даражада сақлаб турилишини таъминлаш; в) манфаатлар тўқнашувининг олдини олиш ва уни бартараф этиш тартибини (сиёсатини) тасдиқлаш; г) Банкнинг молиявий ҳолатини тиклаш режаларини тасдиқлаш; д) Банкнинг Бошқаруви устидан назоратни амалга ошириш; е) Банкнинг қабул қилинган бизнес-режаси бажарилиши устидан назорат қилиш, шунингдек ҳар чоракда Банкнинг фаолияти натижалари тўғрисида Банк Бошқарувининг ҳисоботини эшитиш; ё) Банкнинг ички аудит хизмати фаолиятини ташкил этиш, шунингдек Банк ички аудит хизматининг чораклик ҳисоботлари асосида Банк Бошқаруви томонидан Банк стратегиялари ва сиёсатларига риоя этилишини баҳолашдан ўтказиш; ж) Банк Бошқаруви аъзолари томонидан тақдим этилган ахборотни, таклифларни ва тушунтиришларни ўрганиш, муҳокама қилиш ҳамда улар бўйича баҳслашиш; з) Банк фаолиятини бошқариш тизими самарадорлигини, шу жумладан Банк Бошқаруви принциплари мониторингини ва уларни даврий баҳолашни амалга ошириш ҳамда аниқланган камчиликларни бартараф этиш учун тегишли чораларни кўриш; и) бир йилда камида бир марта амалга оширилган назорат ва текширув фаолияти тўғрисида Акциядорларнинг умумий йиғилишига ҳисобот тақдим этиш; й) йиллик молиявий ҳисоботларни тасдиқлаш ҳамда бухгалтерия ҳисоби ва молиявий ҳисоботлар тизимининг яхлитлигини таъминлаш; к) Банкнинг узоқ муддатли молиявий манфаатларини ва Марказий банк томонидан капиталга нисбатан белгиланган талабларни ҳисобга олган ҳолда пруденциал талабларга риоя этилишини таъминлаш.” “13.6-1.Банк Кенгаши аъзоларининг кўпчилиги Банкка алоқадор шахслар бўлмаслиги керак, бундан уларнинг Банк Кенгашидаги аъзолиги мустасно. 13.6-2. Банк Кенгаши аъзолари ўз мулоҳазаларининг мустақиллиги бўйича талабларга риоя этиши керак. 13.6-3. Қуйидаги ҳолларда шахс Банк Кенгаши аъзолигига сайланиши мумкин эмас ёки сайланган шахс Банк Кенгаши аъзолиги ҳуқуқидан маҳрум этилади, агар: а) шахс икки ёки ундан ортиқ банкнинг кузатув кенгаши аъзоси бўлса ёки аъзо бўлиш ниятида бўлса, бундан мазкур банклар бир банк гуруҳига тегишли бўлган ҳоллар мустасно; б) шахснинг ваколатлари Марказий банк талабига кўра муддатидан илгари тугатилган бўлса.” “13.9-1. Банк Кенгаши аъзолари Банкнинг оқилона корпоратив бошқарувига кўмаклашиши ҳамда ўз ваколатларини ва мажбуриятларини бажариш чоғида Банкнинг, унинг омонатчилари ва акциядорларининг қонуний манфаатларини инобатга олиши, шунингдек Марказий банк билан самарали ҳамкорликни таъминлаши керак.” 10. Банк Уставининг “14. Банкнинг ижроия органи (Бошқарув)” Бўлими 14.1. банди қуйидаги янги тахрирда баён этилсин: “14.1. Банк Бошқаруви Банкни бошқаришнинг ижро этувчи органи бўлиб, у Банк Кенгаши томонидан тасдиқланган фаолият стратегияси ва уни бошқариш тизимига мувофиқ Банкнинг фаолиятига оператив бошқарувни амалга оширади ҳамда Банкнинг фаолияти учун жавобгарликни тўлиқ зиммасига олади. Бошқарув фаолиятига Банк Бошқарув Раиси раҳбарлик қилади.” 11. Банк Уставининг “14. Банкнинг ижроия органи (Бошқарув)” Бўлими 14.16.-бандига янги қуйидаги тахрирдаги кичик бандлар киритилсин: “н) стратегик мақсадларни, корпоратив бошқарув сиёсатини, Банкнинг бошқа ички сиёсатларини, шу жумладан таваккалчиликларни аниқлаш, бошқариш, мониторинг қилиш ва таваккалчиликлар тўғрисида хабардор этиш, капиталнинг етарлилигини лозим даражада сақлаб туриш сиёсатини амалга ошириши; о) Банкнинг тегишли ва шаффоф ташкилий тузилмасини, шу жумладан ваколатларни ва жавобгарликни Банк ходимлари ўртасида ўз ваколатлари доирасида тақсимлашни таъминлаши; п) Банк ходимларининг фаолияти устидан назоратни амалга ошириши; р) Банкнинг қабул қилинган йиллик бизнес-режасини бажариши, шунингдек Банк Акциядорларининг умумий йиғилишига ва Банк Кенгашига бажарилган ишлар, Банкка нисбатан қўлланилган чоралар ҳамда санкциялар тўғрисидаги ҳисоботни даврий равишда тақдим этиши. с) жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисидаги қонун ҳужжатлари талабларига риоя этиш.” 12. Банк Уставининг “15. Банкнинг молия-хўжалик фаолиятини назорат қилиш” Бўлими ( в) Аудиторлик ташкилоти) 15.16 банди қуйидаги янги тахрирда баён этилсин: “15.16. Банкнинг йиллик молиявий ҳисоботи тўғрисидаги аудиторлик хулосаси қонунда назарда тутилганидан ташқари, аудиторлик ташкилоти томонидан: Банк томонидан ҳисобот санасидаги ҳолатга кўра пруденциал нормативларнинг бажарилишини; Банкнинг ички назорати ва таваккалчиликларини бошқариш тизимларининг ташкил этилиши Марказий банк томонидан қўйилган талабларга мувофиқлигини текшириш натижаларини ўз ичига олган бўлиши керак. Аудиторлик ташкилотлари Банкнинг фаолиятини текшириш натижаларига кўра молиявий ҳисоботларнинг ишончлилигини ва бухгалтерия ҳисобини юритиш тартиби қонун ҳужжатларида белгиланган талабларга мувофиқлигини тасдиқлайди (ёки тасдиқламайди), шунингдек Банкнинг йиллик молиявий ҳисоботига илова қилинадиган аудиторлик хулосасини беради.” 13. Банк Уставининг “17. Банкни қайта ташкил этиш ва тугатиш” Бўлими 17.6., 17.8. бандлари қуйидаги янги тахрирда баён этилсин: “17.6. Банкнинг фаолиятини тугатиш ва Банкни тугатиш ихтиёрий ёки мажбурий (Марказий банк томонидан лицензия чақириб олинганда) шаклда амалга оширилиши мумкин. Банкнинг фаолиятини тугатиш ва Банкни тугатиш учун: Банк Акциядорлари умумий йиғилишининг Банкни ихтиёрий тугатиш тўғрисидаги қарори; Марказий банк бошқарувининг Банкни мажбурий тугатиш ҳақидаги қарори асос бўлади. Банкнинг фаолиятини тугатиш ва Банкни тугатиш, шу жумладан ихтиёрий шаклда тугатиш тартиби Марказий банк томонидан белгиланади. 17.8. Банкни тугатиш Банкларнинг давлат реестрига тегишли ёзув киритилган кундан эътиборан тамомланган деб ва Банк тугатилган деб ҳисобланади.”

Абдуллаев Бобохон Рустамович

Скуйбида Елена Евгеньевна

Назаров Баходир Бахтиёрович