| 1 |
1. Саноқ комиссияси уч кишидан иборат бўлган, Вахобов Абдурашид Расулович (комиссия раиси), Хасанов Фарход Хайдарович, Хайдаров Учқун Ўткирович. (комиссия аъзолари) таркибида тузилсин (1-илова) |
| 2 |
2. Жамият акциядорларининг навбатдаги йиллик умумий йиғилиши регламенти 2-иловага мувофиқ тасдиқлансин. |
| 3 |
3. “Ўзагросуғурта” АЖ Бошқаруви раисининг 2021 йил бизнес-режаси асосий кўрсаткичларининг бажарилиши ва Жамият ривожланиш стратегиясига эришиш бўйича кўрилаётган чора-тадбирлар юзасидан ҳисоботи 3-иловага мувофиқ тасдиқлансин |
| 4 |
4. “Ўзагросуғурта” АЖ Кузатув кенгашининг 2021 йил якунлари бўйича ўз ваколат доирасига кирадиган масалалар юзасидан ҳисоботи 4-иловага мувофиқ тасдиқлансин. |
| 5 |
5. “Ўзагросуғурта” АЖнинг 2021 йил молия-хўжалик фаолиятини текшириш якунларига кўра Жамиятнинг тафтиш комиссияси хулосаси 5-иловага мувофиқ тасдиқлансин. |
| 6 |
6. Жамиятнинг корпоратив бошқарув тизими ва Корпоратив бошқарув кодекси тавсияларига риоя қилинишининг 2021 йил якунлари бўйича мустақил баҳоланиши натижалари юзасидан ҳисоботи 6-иловага асосан маълумот учун қабул қилинсин |
| 7 |
7.1. Жамият Бошқарувининг Бухгалтерия ҳисоби ва ҳисоботи департаменти Бош бухгалтери А.Жумаевнинг кун тартибидаги масала юзасидан берган ахбороти маълумот учун қабул қилинсин. 7.2. “Ўзагросуғурта” акциядорлик жамиятининг 2021 йил якунлари бўйича йиллик ҳисоботи, бухгалтерия баланси, фойда ва зарари ҳисоби бўйича ҳисоботи (7-илова) ва аудиторлик текшируви хулосалари (8-илова) тасдиқлансин. |
| 8 |
8.1. “Ўзагросугурта” АЖнинг 2021 йил якунлари бўйича олинган 8 115 652,2 минг. сўм миқдоридаги соф фойдаси қуйидагича тақсимлансин (9-илова): • Жамият захира фондига - 405 781,3 минг сўм (5%); • Олдинги йиллар бўйича тўпланиб келган қопланмаган зарарни қоплашга - 6 070 318,9 минг сўм - (74,8%); • Кузатув кенгаши, тафтиш комисияси аъзолари ва Жамият ходимларини 2021 йил якунлари бўйича мукофотлашга – 1 623 125,0 минг сўм (20,0%). Шундан: - Жамият Кузатув кенгаши аъзоларини 2021 йил якунлари бўйича эришилган ижобий натижалар учун 117 700 000 (бир юз ўн етти миллион етти юз минг) сўм (Кузатув кенгашининг ҳар бир аъзосига 16 100 000 сўмдан, яъни МҲКТЭМнинг 17,5 баробари); - Жамият Тафтиш комиссияси аъзоларини 2021 йил якунлари бўйича эришилган ижобий натижалар учун 19 320 000 (ўн тўққиз миллион уч юз йигирма минг) сўм (Тафтиш комиссиясининг ҳар бир аъзосига 6 440 000 сўмдан, яъни МҲТЭКМнинг 7 баробари); - Жамият ходимларини 2021 йил якунлари бўйича мукофотлашга 1 486 105 000 (бир миллиард икки олти миллион етти юз ўн бир минг икки юз эллик) сўм. • Имтиёзли акциялар эгаларига акциялар номинал қийматининг 25 фоизи миқдорида, яъни ҳар бир дона акцияга 820 сўм дивиденд тўлаш учун соф фойда ҳисобидан 16 400,0 минг сўм (акция номинал қийматининг 25 фоизи миқдорида) йўналтирилсин (0,24%). 8.2. Жамият Бошқарувига қарор ижросини таъминлаш учун боғлиқ ишларни назоратга олиш, Жамиятнинг бош ҳисобчисига тегишли бухгалтерия ёзувларини амалга ошириш ҳамда имтиёзли акциялар учун тўланадиган дивидендларни пул кўринишида тўлаш, тўловларни мазкур қарор қабул қилинган кундан эътиборан 60 (олтмиш) кундан кеч бўлмаган муддатда юридик шахслар ҳисоб рақамига пул кўчириш орқали, жисмоний шахс бўлган акциядорлар ва уларнинг қонуний вакиллари мурожаатига (аризасига) мувофиқ пластик картасига пул кўчириш йўли билан ёки нақд пул тўлаш орқали амалга ошириш, шунингдек қонунчилик талабларига мувофиқ тўлов билан боғлиқ барча ҳаражатларни (тўлов манбаидан ушланадиган даромад солиғидан ташқари) Жамият ҳисобидан амалга ошириш вазифалари юклатилсин. |
| 9 |
9. Акция эгаси ёки эгасининг қонуний ҳуқуқий вориси ёхуд меросхўри томонидан уч йил муддат ичида талаб қилиб олинмаган жами 1 282 480 cўм миқдоридаги дивидендлар 9-иловага мувофиқ Жамият ихтиёрида қолдирилсин. |
| 10 |
10. “Ўзагросуғурта” акциядорлик жамиятининг 2022 йил учун Бизнес-режаси 10-иловага мувофиқ тасдиқлансин. |
| 11 |
11.1. Жамият Ижроия органи аъзолигига қуйидагилар сайлансин: 11.1.1. Мирабзалов Мирсаид Мирзаахметович – “Ўзагросуғурта” АЖ Бошқаруви раисининг биринчи ўринбосари; 11.1.2. Юсупов Алишер Насирджанович – “Ўзагросуғурта” АЖ Бошқаруви раисининг ўринбосари; 11.1.3. Ахадов Бекзод Абдурафикович – “Ўзагросуғурта” АЖ Бошқаруви раисининг ўринбосари; 11.1.4. Жумаев Азимжон Абдисаломович – “Ўзагросуғурта” АЖ Бошқаруви Бухгалтерия ҳисоби ва ҳисоботи департаменти Бош бухгалтери; 11.1.5. Содиқов Бехзод Абдисаломович – “Ўзагросуғурта” АЖ Бошқаруви Юридик департаменти директори 11.1.6. Носиров Максуд Тулкинович – “Ўзагросуғурта” АЖ Бошқаруви Молия департаменти директори. 11.2. Жамият Бошқаруви (Ш.Расулов) Ижроия орган (Бошқарув) аъзолари билан тузиладиган шартнома лойиҳаларини Жамият Кузатув кенгаши раиси М.Мирзаевга имзолаш учун киритсин. |
| 12 |
12.1. Жамият Кузатув кенгаши аъзолигига қуйидагилар сайлансин: 12.1.1. Мирзаев Мубин Мухидинович - Ўзбекистон Республикаси Давлат солиқ қўмитаси раисининг биринчи ўринбосари; 12.1.2. Рустамов Эркин Эркамович - Ўзбекистон Республикаси Вазирлар Маҳкамаси котибият мудирининг биринчи ўринбосари; 12.1.3. Карабаев Фаррух Эсаналиевич - Ўзбекистон Республикаси Монополияга қарши курашиш қўмитаси раисининг ўринбосари; 12.1.4. Миралиев Алишер Эркинович - Ўзбекистон Республикаси Давлат активларини бошқариш агентлиги директори ўринбосари; 12.1.5. Мустафаев Хуршед Бахтиёрович - Ўзбекистон Республикаси Молия вазирлиги департамент директори; 12.1.6. Мўминов Акром Адхамалиевич - Иқтисодий тараққиёт ва камбағалликни қисқартириш вазирлиги бошқарма бошлиғи; 12.1.7. Ниязов Асан Натуевич - “МТИ Банк” Бошқаруви раиси (мустақил аъзо); 12.1.8. Кучкаров Тохир Муминджанович - "Ўзпахтасаноат" акциядорлик жамиятини тугатиш лойиҳа офиси Бош бухгалтери ўринбосари. 12.2. Жамият Кузатув кенгаши таркибига 8 киши сайланганлиги ва 1 та аъзо вакант бўлиб, Молия вазирлиги томонидан номзодлар тақдим этилганидан сўнг тегишли тартибда кўриб чиқилиши маълумот учун қабул қилинсин. |
| 13 |
13. “Ўзагросуғурта” АЖ Тафтиш комиссияси тугатилсин. |
| 14 |
14. Жамиятнинг Стратегия ва инвестициялар қўмитаси, Тайинловлар ва ҳақ тўлаш қўмитаси ҳамда Коррупцияга қарши курашиш ва этика қўмиталарини ташкил этиш ва уларнинг Низомларини тасдиқлаш Жамият Кузатув кенгашининг навбатдаги йиғилишида кўриб чиқилсин. |
| 15 |
15. “Ўзагросугурта” АЖ томонидан Жамиятнинг аффилланган шахслари билан келгусида Жамиятнинг кундалик хўжалик фаолияти жараёнида акциядорларнинг кейинги йиллик умумий йиғилишигача бўлган даврда тузилиши мумкин бўлган битимни (битимларни) ҳамда йирик битим (битимлар) нинг таклиф қилинган рўйхати тасдиқлансин. |
| 16 |
16. “Ўзагросуғурта” АЖ Уставининг янги таҳрири 12-иловага мувофиқ тасдиқлансин. |
| 17 |
17. “Ўзагросуғурта” АЖ Кузатув кенгаши тўғрисидаги Низомнинг янги таҳрири 13-иловага мувофиқ тасдиқлансин. |
| 18 |
18. “Ўзагросуғурта” АЖ Ижроия органи тўғрисидаги Низомнинг янги таҳрири 14-иловага мувофиқ тасдиқлансин. |
| 19 |
19.1. “Ўзагросуғурта” АЖ Кузатув кенгаши аъзоларига мукофот тўлаш тартиби тўғрисида” Низом ўзгаришсиз қолдирилсин. 19.2. Низомнинг янги таҳрири Ҳукуматнинг масалага оид янги қарори қабул қилинганидан кейин қайта кўриб чиқилсин. |
| 20 |
20. “Ўзагросуғурта” АЖ Ташкилий тузилмаси 15-иловага мувофиқ янги таҳрирда тасдиқлансин. |
| 21 |
21.1. Жамиятнинг келгусида, кейинги йиллик умумий йиғилишигача бўлган даврда, эхтимолий ҳомийлик (хайрия) ва бошқа беғараз ёрдам кўрсатиш (олиш)га боғлиқ бўлган ҳаражатлар тасдиқлансин. 21.2. Ҳукумат қарорлари, фармонлари, фармойишлари, мажлис баёнлари, топшириқларига асосан ажратиладиган ҳомийлик маблағларини кўриб чиқиш ва тасдиқлаш ваколати жамият Кузатув кенгашига берилсин. 21.3. Жамият эҳтимолий ҳомийлик (хайрия) ва бошқа беғараз ёрдам кўрсатиш (олиш)да Бошқарув ҳамда ҳудудий филиаллар учун жами 240 000 000,0 (икк юз қирқ миллион) сўм чегаравий миқдори доирасида (Ҳукумат топшириқлари бундан мустасно) ажратиладиган ҳомийлик маблағларини кўриб чиқиш ва тасдиқлаш ваколати Жамият Бошқарувига берилсин. 21.4. Жамият Бошқаруви ва ҳудудий филиаллар учун жами 240 000 000,0 (икк юз қирқ миллион) сўмдан юқори миқдор доирасида ажратиладиган ҳомийлик маблағларини кўриб чиқиш ва тасдиқлаш ваколати Жамият Кузатув кенгашига берилсин. 21.5. Ҳомийликка сарфланадиган харажатлар ўтган йилда олинган соф фойданинг 3 фоизидан ошмаслиги таъминлансин. |
| 22 |
22.1. Ўзбекистон Республикаси Президентининг 2022 йил 18 мартдаги “Иқтисодиётда давлат иштирокини янада қисқартириш ва хусусийлаштиришни жадаллаштиришга оид қўшимча чора-тадбирлар тўғрисида”ги ПҚ-168-сонли Қарорига 2-иловага мувофиқ Тошкент шаҳри Яшнабод тумани, «Бойқумғон» МФЙ, Темир йўл кўчаси, 158-уйда жойлашган баланс қиймати бошланғич қиймати 8 047 918,81 сўм, аммортизация қиймати 5 707 878,41 сўм, қолдиқ қиймати 2 340 040,40 сўмни ташкил қилувчи Жамиятга тегишли омборхона биноси ҳамда қарорнинг 4-иловасига мувофиқ “Қишлоққурилишинвест” ИК МЧЖнинг “Ўзагросуғурта” АЖга тегишли қиймати 141 млн сўм бўлган 3.86 % улуши Давлат активларини бошқариш агентлигига ўтказилганлиги иноабтга олинсин. 22.2. Юқоридаги улуш ва мулкни Давлат активларини бошқариш агентлигига ўтказиш Жамиятнинг жорий йил харажатлари ҳисобидан амалга оширилсин. |
