“Toshkent” Respublika fond birjasi korporativ ijtimoiy mas’uliyat doirasida ta’lim, madaniyat, sport, sog‘liqni saqlash va boshqa ijtimoiy yo‘nalishlardagi loyihalar hamda tashabbuslarni qo‘llab-quvvatlashga qaratilgan xayriya faoliyatida ishtirok etadi.
Xayriya va homiylik yordami O‘zbekiston Respublikasi qonunchiligi, Birja ustavi, tegishli ichki hujjatlar hamda vakolatli boshqaruv organlarining qarorlariga muvofiq ko‘rsatiladi.
“Toshkent” Respublika fond birjasi xayriya va homiylik faoliyatini amalga oshirishda quyidagi asosiy tamoyillarga amal qiladi:
Qonuniylik va shaffoflik
Xayriya tashabbuslarining ijtimoiy ahamiyati
Mablag‘lardan maqsadli va samarali foydalanish
Manfaatlar to‘qnashuvining oldini olish
Korporativ boshqaruv talablariga rioya etish
Birja xayriya va homiylik faoliyatiga oid axborotni O‘zbekiston Respublikasi qonunchiligi hamda ichki hujjatlarda belgilangan tartibda oshkor etadi.