“O‘zbekiston Respublikasi Milliy investitsiya jamg‘armasi” aksiyadorlik jamiyati (UzNIF) IPOsi muvaffaqiyatli yakunlandi
.png)
“O‘zbekiston Respublikasi Milliy investitsiya jamg‘armasi” aksiyadorlik jamiyati (UzNIF) aksiyalarining birlamchi ommaviy joylashtirilishi (IPO) muvaffaqiyatli yakunlandi hamda O‘zbekiston kapital bozori tarixidagi eng yirik ommaviy joylashtirishlardan biri sifatida e’tirof etildi.
IPO yakunlariga ko‘ra, “Toshkent” Respublika fond birjasida:
- 47,94 mlrd dona aksiyalar joylashtirildi;
- 214,61 mlrd so‘mlik (17,78 mln AQSH dollari) 4 943 ta bitim amalga oshirildi;
Xalqaro taklif doirasida London fond birjasida GDRlarning joylashtirish narxi har bir GDR uchun 25 AQSH dollari (bitta GDR 64 700 dona aksiyaga teng) etib belgilandi.
Xalqaro joylashtirish doirasida jalb qilingan jami yalpi tushum (opsion doirasida chiqarilishi mumkin bo‘lgan GDRlar bundan mustasno) taxminan 603,6 million AQSH dollarini tashkil etdi. Shuningdek, taklif narxidan kelib chiqqan holda, Jamg‘armaning bozor kapitalizatsiyasi taxminan 1,95 mlrd AQSH dollariga baholandi.
Ma’lumot uchun, “O‘zbekiston Respublikasi Milliy investitsiya jamg‘armasi” aksiyadorlik jamiyati (UzNIF) IPOsi ayni paytda 2026-yilda Londonda amalga oshirilgan eng yirik IPO hisoblanadi. Shuningdek, u 2021-yildan beri Londonda yopiq investitsiya fondlari o‘rtasida o‘tkazilgan eng yirik IPO hamdir. Bundan tashqari, mazkur IPO joriy yilda Yevropada hajmi bo‘yicha ikkinchi eng yirik IPO sifatida e’tirof etildi.
Eslatib o‘tamiz, “O‘zbekiston Respublikasi Milliy investitsiya jamg‘armasi” AJ aksiyalarining “Toshkent” Respublika fond birjasida UZNF tikeri ostidagi ikkilamchi bozor savdolari 2026-yil 18-maydan boshlanishi rejalashtirilgan.