“Тошкент” Республика фонд биржаси “Тошкент” РФБ биржа котировкалаш варағи тўғрисида”ги Низом талабларига мувофиқлаштириш мақсадида бир қатор имтиёзли акциялар биржа тикерларига ўзгартиришлар киритилганлиги тўғрисида хабар бермоқда.

“Тошкент” РФБ биржа котировкалаш варағи тўғрисида”ги Низом (09.07.2020й.)га мувофиқ жамият имтиёзли акциялари учун бижа тикери, жамият оддий акциялари учун берилган биржа тикери охирига “Р” ҳарфи қўшилади. Аввал, юқорида келтирилган Низом янги таҳрирда қабул қилингунига қадар, имтиёзли акциялар учун оддий акциялар биржа тикери охирига “1” рақами қўйилган.

Юқоридагиларни инобатга олган ҳолда, имтиёзли акциялар биржа тикерларига ўзгартиришлар киритилди.

Савдо битимларини амалга ошириш вақтида ушбу киритилган ўзгартиришларни инобатга олишингизни Сиздан илтимос қилиб қоламиз.

Киритилган ўзгартиришлар 2023 йилнинг 6 ноябридан амал қила бошлайди.