2024-yilning 10-sentabr kuni “Toshkent” Respublika fond birjasi (RFB) Boshqaruv raisi Georgiy Paresishvili Yevroosiyo taraqqiyot banki (YTB) delegatsiyasi bilan uchrashuv o‘tkazdi. Tashrifdan maqsad O‘zbekiston kapital bozori bilan yaqindan tanishish va unga kirishning mumkin bo‘lgan yo‘llarini o‘rganish, shuningdek, mahalliy kompaniyalarni moliyalashtirishdan iborat edi.

YTB moliyalashtirish direksiyasining investorlar va moliya institutlari bilan aloqalar bo‘yicha Ijrochi Direktori Saltanat Odilxon bank faoliyati va uning rejalari haqida gapirib, kelgusidagi loyihalarni amalga oshirish doirasida “Toshkent” Respublika fond birjasi bilan hamkorlik qilishdan manfaatdor ekanini ta’kidladi. Bu loyihalar RFB “Toshkent”da qimmatli qog‘ozlarni chiqarish va joylashtirish, shuningdek, milliy va xorijiy valyutada mahalliy obligatsiyalarga investitsiya qilishdan iborat. Shuningdek, u Markaziy Osiyo - Yevroosiyo taraqqiyot banki uchun ustuvor mintaqa ekanligini taʼkidladi.

Georgiy Paresishvili delegatsiyani O‘zbekiston kapital bozorining hozirgi sharoiti va imkoniyatlari, shuningdek, kerakli rejalarni amalga oshirish uchun zarur tartib-qoidalar bilan tanishtirdi. Georgiy Paresishvili RFB “Toshkent” bu jarayonda YTBga yordam berishga tayyorligini taʼkidladi. Tomonlar aniq natijalarga erishish uchun hamkorlikni davom ettirishga kelishib olishdi.