AKSIYADORLARNING NAVBATDAN TASHQARI UMUMIY

YIG‘ILISHINI O‘TKAZISH HAQIDA

XABARNOMA

“Toshkent” RFB AJ 2026 yil 13 fevral kuni jamiyat aksiyadorlarining navbatdan tashqari Umumiy yig‘ilishi o‘tkazilishini ma’lum qiladi.

KUN TARTIBI:

1. Aksiyadorlarning navbatdan tashqari Umumiy yig‘ilishi raisi va kotibini saylash.

2. Sanoq komissiyasining son va shaxsiy tarkibini tasdiqlash.

3. Aksiyadorlarning navbatdan tashqari Umumiy yig‘ilishi Reglamentini tasdiqlash.

4. “Toshkent” RFB AJda xorijiy valyutadagi obligatsiyalarni joylashtirish va ularning muomalasi uchun ixtisoslashtirilgan maydonchani tashkil etish.

5. “Toshkent” RFB AJda xorijiy qimmatli qog‘ozlarni joylashtirish va ularning muomalasi uchun ixtisoslashtirilgan maydonchani tashkil etish.

6. "Toshkent" RFB AJning mablag‘lari hisobidan uning amaldagi dasturiy ta’minotini umumiy modernizatsiya qilish yoki almashtirish.

Jamiyatning joylashgan joyi (pochta manzili): O‘zbekiston Respublikasi, Toshkent shahri, 1000170, Mirzo Ulug‘bek tumani, Mustaqillik shoh ko‘chasi, 107-uy.

Jamiyatning elektron manzili: info@uzse.uz

Yig‘ilish o‘tkaziladigan manzil: O‘zbekiston Respublikasi, Toshkent shahri, Mirzo Ulug‘bek tumani, Mustaqillik shohko‘chasi, 107-uy.

Aksiyadorlarni ro‘yxatga olish: 13.02.2026 y. yig‘ilish o‘tkaziladigan joyda soat 14-00 dan 15-00 gacha.

Yig‘ilish boshlanish vaqti: 15-00

Aksiyadorlarning umumiy yig‘ilishida ishtirok etish va ovoz berish tartibi:

Aksiyadorlarning umumiy yig‘ilishida ishtirok etish huquqi aksiyador tomonidan o‘z vakili orqali amalga oshiriladi.

Aksiyador aksiyadorlarning umumiy yig‘ilishida o‘z vakilini istalgan vaqtda almashtirishga haqli.

Aksiyadorlarning Umumiy yig‘ilishida aksiyadorning vakili tegishli tarzda rasmiylashtirilgan ishonchnoma asosida ish ko‘radi.

Aksiyadorlarning umumiy yig‘ilishida ovoz berish "jamiyatning bitta ovoz beruvchi aksiyasi - bitta ovoz" tamoyili asosida amalga oshiriladi.

Aksiyadorlarning umumiy yig‘ilishida kun tartibidagi masalalar bo‘yicha ovoz berish ovoz berish byulletenlari bilan amalga oshiriladi.

Boshqa ma’lumotlar:

Aksiyadorlarning umumiy yig‘ilishi to‘g‘risida xabardor qilish uchun aksiyadorlar reestri 2026 yil 15 yanvar holatiga shakllantiriladi.

Aksiyadorlarning umumiy yig‘ilishida ishtirok etish uchun aksiyadorlar reestri 2026 yil 9 fevral holatiga shakllantiriladi.

Aksiyadorlar yig‘ilish materiallarini ish kunlari soat 10-00 dan 16-00 gacha quyidagi manzilda olish huquqiga ega: O‘zbekiston Respublikasi, Toshkent shahri, Mirzo Ulug‘bek tumani, Mustaqillik shoh ko‘chasi, 107-uy. Murojaat uchun telefon: (90) 982-44-48.