Davlat ishtirokidagi korxonalar samaradorligini oshirish bo‘yicha chora-tadbirlar belgilandi

“Davlat ishtirokidagi korxonalar va tijorat banklari faoliyatining samaradorligini oshirish chora-tadbirlari to‘g‘risida”gi O‘zbekiston Respublikasi Prezidentining qarori (PQ–74-son, 25.02.2026 y.) qabul qilindi.

Qarorga ko‘ra:

• davlat ishtirokidagi korxonalar va tijorat banklarida (jamiyatlar) korporativ boshqaruv madaniyatini rivojlantirish, uning zamonaviy usullarini qo‘llash, jamiyatlar kuzatuv kengashi tarkibidagi mustaqil a’zolar ulushini 50 foizga yetkazish;
• 2026-yil yakuniga qadar “O‘zbekiston Respublikasi milliy investitsiya jamg‘armasi” AJ (Jamg‘arma) ustav kapitalidagi 30 foizgacha aksiyalar paketining xalqaro va mahalliy fond bozorlarida birlamchi ommaviy taklifini (IPO) o‘tkazish.

Shuningdek, qarorga muvofiq:

• jamiyatlar kuzatuv kengashlari tarkibiga Jamg‘armaning ishonchli boshqaruvchisi "Franklin Templeton Asset Management"  MCHJ xorijiy korxonasi vakillarini kiritiladi;
• “O‘zsuvta’minot” AJ, "O‘zbekinvest" AJ, "O‘zbekiston temir yo‘llari" AJ, "O‘zbektelekom" AJ, “Navoiyazot” AJ, “Xalq banki” ATB, va “O‘zsanoatqurilishbank” ATB ayrim davlat aksiyalari paketlarini Iqtisodiyot va moliya vazirligi hamda Jamg‘armaga o‘tkazish choralari belgilangan.

Jamg‘armaning ulushi bor bo‘lgan jamiyatlar bo‘yicha hisoblanadigan dividendlarni jamiyatlar ixtiyorida qoldirishni nazarda tutuvchi normativ-huquqiy hujjatlarni qabul qilish taqiqlanadi.