O‘zbekiston Respublikasi Markaziy banki Boshqaruvining 2026-yil 17-iyundagi yig‘ilishi yakunlariga ko‘ra, asosiy stavka yillik 14 foiz darajasida o‘zgarishsiz qoldirildi.

Mazkur qaror inflyatsion jarayonlar, ichki talab dinamikasi hamda tashqi iqtisodiy sharoitlar tahlili asosida qabul qilinib, inflyatsiyani 5 foizlik maqsadli darajaga tushirishga qaratilgan pul-kredit siyosatini davom ettirishni nazarda tutadi.

Markaziy bank ma’lumotlariga ko‘ra, 2026-yil may oyida umumiy inflyatsiya yillik 5,5 foizgacha pasaydi, bazaviy inflyatsiya esa 5,7 foiz darajasida shakllandi. Yangilangan baholashlarga ko‘ra, 2026-yil yakunida umumiy inflyatsiya 6,5 foiz atrofida, iqtisodiy o‘sish sur’atlari esa 7–7,5 foiz darajasida bo‘lishi kutilmoqda.

Joriy yilning iyun oyidan energiya resurslari tariflarining oshirilishi inflyatsiyaga qisqa muddatli ta’sir ko‘rsatishi mumkinligi qayd etildi.

Asosiy stavkaning 14 foiz darajasida saqlanishi emitentlarga qarz mablag‘larini jalb qilishni rejalashtirishda qo‘shimcha aniqlik bermoqda. Shu bilan birga, korporativ obligatsiyalar depozitlarga nisbatan yuqoriroq daromadlilik taklif etishi hisobiga investorlar uchun jozibador investitsiya instrumenti bo‘lib qolmoqda.

Asosiy stavkani ko‘rib chiqish bo‘yicha Markaziy bank Boshqaruvining navbatdagi yig‘ilishi 2026-yil 29 iyul kuni bo‘lib o‘tadi.