2024-yil 19-aprel kuni Samarqand shahrida “Toshkent” Respublika fond birjasi (RFB) va O‘zbekiston tovar-xomashyo birjasi (O‘zRTXB) tashkil etilganining 30 yilligi munosabati bilan ConFEAS 2024 xalqaro birja konferensiyasi bo‘lib o‘tdi. Butun dunyodan 200 dan ortiq birja vakillarini jamlagan tadbir moliya sohasidagi muhim munozaralar va asosiy uyushmalar uchun maydonga aylandi.

ConFEAS 2024 doirasida keng koʻlamli mavzularni oʻz ichiga olgan yalpi muhokamalar oʻtkazildi, jumladan: moliya bozorlari infratuzilmasi arxitekturasi, kapital bozorlarini rivojlantirish tendentsiyalari va muammolari, bozorni tartibga solish masalalari, muqobil birja vositalari va texnologiyalari, moliyaviy vositachilik, kliring va risklarni boshqarish, ESG boshqaruvi va investorlar bilan aloqalar.

RFB “Toshkent” Boshqaruv raisi Georgiy Paresishvili “Kapital bozorlarini rivojlantirish tendensiyalari va muammolari” mavzusidagi davra suhbatida so‘zga chiqdi.

Konferensiya so‘ngida “Toshkent” Respublika fond birjasi va O‘zbekiston Respublika tovar-xom ashyo birjasining 30 yilligiga bag‘ishlangan bayram tadbirlari bo‘lib o‘tdi.