E'LON: “Тoshkent” Respublika fond birjasi” AJ Kuzatuv kengashining mustaqil a’zosi lavozimi uchun tanlov o‘tkazilishi haqida
26.05.2026

“Тoshkent” Respublika fond birjasi” AJ Jamiyat Kuzatuv kengashining mustaqil a’zosi lavozimiga nomzodlarni tanlash bo‘yicha tanlov e’lon qiladi.

Asosiy vazifalar va funksiyalar

Kuzatuv kengashining mustaqil a’zosi samarali korporativ boshqaruvni ta’minlash, Jamiyatning strategik rivojlanishida ishtirok etish, ijroiya organ faoliyati ustidan nazoratni amalga oshirish, aksiyadorlarning huquq va qonuniy manfaatlarini himoya qilish, shuningdek Jamiyatning shaffofligi va investitsion jozibadorligini oshirishda ishtirok etadi.

Nomzodlarga qo‘yiladigan talablar

Tanlovda O‘zbekiston Respublikasi qonunchiligi hamda Jamiyatning ichki hujjatlari talablariga javob beradigan nomzodlar ishtirok etishi mumkin, jumladan:

• O‘zbekiston Respublikasi qonunchiligida belgilangan kuzatuv kengashining mustaqil a’zosi mezonlariga muvofiqlik;
  oliy ma’lumotga ega bo‘lish;
• moliya, kapital bozori, korporativ boshqaruv, iqtisodiyot, huquq, audit, risk-menejment, axborot texnologiyalari yoki yirik tashkilotlarni boshqarish sohalarida professional tajribaga ega bo‘lish;
• ishbilarmonlik obro‘si, strategik fikrlash va boshqaruv qarorlarini qabul qilish ko‘nikmalariga ega bo‘lish;
• manfaatlar to‘qnashuvi va kuzatuv kengashi mustaqil a’zosi vazifalarini bajarishga to‘sqinlik qiluvchi holatlarning mavjud emasligi.
  

Quyidagilar afzallik hisoblanadi:

• moliya sektori, fond bozori yoki birja infratuzilmasi tashkilotlarida ish tajribasi;
• direktorlar kengashi/kuzatuv kengashlari tarkibida ishlaganlik tajribasi;
• korporativ boshqaruv, moliya, audit, komplayens va risk-menejment sohalarida xalqaro professional sertifikat va malakalarga ega bo‘lish

Tanlovda ishtirok etish uchun quyidagi hujjatlar taqdim etilishi lozim:

• rezyume (CV);
• shaxsni tasdiqlovchi hujjat nusxasi;
• ma’lumot va malakani tasdiqlovchi hujjatlar;
• professional tajriba to‘g‘risidagi ma’lumotlar;
• tavsiyanoma (mavjud bo‘lsa);
• jamiyat kuzatuv kengashi mustaqil a’zosi mustaqilligi mezonlariga muvofiqligi haqida ariza (ilovaga muvofiq).

Hujjatlarni topshirish muddati va tartibi
Hujjatlar 2026 yil 30 iyunga qadar (shu kuni ham) qabul qilinadi.
Hujjatlar quyidagi manzilga yuboriladi: Toshkent shahri, Mustaqillik shoh ko‘chasi, 107-uy,
yoki elektron shaklda: info@uzse.uz Elektron xat mavzusida quyidagini ko‘rsatish majburiy:
“Kuzatuv kengashi mustaqil a’zosi lavozimi uchun tanlovga”
Mas’ul shaxs:
Biznesni rivojlantirish bo‘limi boshlig‘i — I. Xabibulina
Telefon: +998 90 358 47 57

Hujjatlarni ko‘rib chiqish yakunlariga ko‘ra, dastlabki saralashdan o‘tgan nomzodlar suhbatga taklif qilinishi mumkin.
“Тoshkent” Respublika fond birjasi” AJ nomzodlarni baholash uchun zarur bo‘lgan qo‘shimcha hujjatlar va ma’lumotlarni talab qilish huquqini o‘zida saqlab qoladi.

Ariza shakli.