Kompaniya haqida ma'lumot

Kompaniya haqida ma'lumot

Ҳурматли акциядорлар!

“Konvin” AЖ акциядорларининг 27.06.2023 йилда бўлиб ўтган навбатдан ташқари умумий йиғилишида жамият мулкчилик шаклини қайта ташкил этиш йўли билан масъулияти чекланган жамиятга айлантириш тўғрисида қарор қабул қилинди.

Шунга кўра, мазкур йиғилишда узрли сабабларга кўра иштирок эта олмаган ёки жамиятни қайта ташкил этиш масаласига қарши овоз берган акциядорларда “Konvin” AЖдан ўз акцияларини сотиб олишини талаб қилиш ҳуқуқи пайдо бўлди.

Ўз акцияларини сотиб олиш талабини билдирувчи акциядорлар акцияларни сотиб олиш тўғрисидаги талабномаларини (аризаларини) 06.07.2023 йилдан бошлаб 30 кун давомида (04.08.2023 йилгача) Тошкент вилояти, Ғазалкент шаҳри, Завод кўчаси 48-уйга (“Konvin” AЖнинг маъмурий биносига)  ёки ioaokonvin@rambler.ru электрон почтаси орқали юборишлари мумкин.

Талабномада акциядорнинг исми шарифи, яшаш жойи (юридик шаслар учун - жойлашган ери) ва унинг қайтариб сотиб олинишини талаб қилаётган акциялар сони кўрсатилган маълумотлар бўлиши керак (акцияларни тўлаш учун маблағлар ўтказилиши лозим бўлган банк реквизитларини ва алоқа маълумотларини кўрсатилиши мақсадга мувофиқ).

“Konvin” AЖ томонидан талабнома (ариза) берган акциядорларнинг акцияларини сотиб олиш 07.08.2023 йилдан бошланишини ва ўн кун давомида акциялар сотиб олинишини маълум қиламиз.

“Konvin” AJ ижроия органи

ҲУРМАТЛИ АКЦИЯДОРЛАР!

“Konvin” АЖ

2022 йилнинг 27 июн куни Тошкент вилояти, Ғазалкент шаҳри, Завод кўчаси 48-уй, “Konvin” AJнинг маъмурий биносида жамият акциядорларининг навбатдан ташқари умумий йиғилиши ўтказилишини маълум қилади. 

Акциядорларни ҳабардор қилиш учун реестр шакллантирилган сана – 29.05.2022й.

Йиғилишда иштирок этиш учун ресстр шакллантирилган сана – 21.06.2022й.

Умумий йиғилиш ўтказиш вақти: 11.00

Акциядорларни рўйхатга олиш 10.00 дан бошланади.

Йиғилиш кун тартиби

1. Овозларни санаб чиқиш, акциядорларни рўйхатга олиш, шунингдек овоз бериш бюллетенларини тарқатиш учун саноқ комиссияси аъзолари сони ва шахсий таркибини тасдиқлаш.
2. “Konvin” AJни қайта ташкил этиш йўли билан ташкилий ҳуқуқий шаклини масъулияти чекланган жамиятга ўзгартириш.
3. “Konvin” AJ ташкилий хуқуқий шаклини масъулияти чекланган жамиятга ўзгартириш тартиби ва шартларини, масъулияти чекланган жамият иштирокчилари (таъсисчилари) таркиби ва акциядорлик жамияти акцияларини масъулияти чекланган жамият устав капиталидаги улушга айирбошлаш тартибини тасдиқлаш.
4. Жамият ижроия органи томонидан тайёрланган жамият активлари ва пассивларини инвентаризация қилиш натижалари ва жамиятнинг барча ҳуқуқ ва мажбуриятларини масъулияти чекланган жамиятга ўтказиш бўйича топшириш ҳужжатлари, топшириш-қабул қилиб олиш далолатномаларини тасдиқлаш.
5. “Konvin” AJнинг бир дона акцияси бозор баҳосини белгилаш ва акцияларни акциядорлардан сотиб олиш.
6. Масъулияти чекланган жамият таъсис ҳужжатлари (жамият таъсис шартномаси ва устави) лойиҳаларини кўриб чиқиш ва тасдиқлаш.

Амалдаги қонунчиликка мувофиқ акциядорлар умумий йиғилишида иштирок этиш учун акциядорлардан шахсни тасдиқловчи хужжат, акциядорлар вакилларидан эса белгиланган тартибда расмийлаштирилган ишончнома талаб этилади.

Умумий йиғилиш кун тартибига киритилган масалалар бўйича қўшимча маълумотлар билан “Konvin” АЖ (манзил: Тошкент вилояти, Ғазалкент шаҳри, Завод кўчаси 48-уй)да шанба ва якшанба кунларидан ташқари хар куни соат 9.00 дан 18.00 гача танишиш мумкин. Қўшимча маълумотлар учун: 97 333-38-22.

                                                   “Konvin” АЖ  Кузатув кенгаши 

Жамият акциядорларни ўзларига тегишли акцияларнинг жамият томонидан қайтариб сотиб олинишини талаб қилиш ҳуқуқи мавжудлиги тўғрисида

ХАБАРНОМА

       Ўзбекистон Республикаси "Акциядорлик жамиятлари ва акциядорларнинг ҳуқуқларини ҳимоя қилиш тўғрисида"ги Қонунининг 40-моддасига мувофиқ овоз берувчи акцияларнинг эгалари бўлган акциядорлар жамиятни қайта ташкил этиш тўғрисида акциядорларнинг умумий йиғилиши томонидан қарорлар қабул қилишда, агар улар қарши овоз берган бўлса ёхуд овоз беришда узрли сабабларга кўра иштирок этмаган бўлса, ўзларига тегишли акцияларнинг ҳаммаси ёки бир қисми жамият томонидан қайтариб сотиб олинишини талаб қилишга ҳақлидир.

Ўзларига тегишли акциялар жамият томонидан қайтариб сотиб олинишини талаб қилиш ҳуқуқига эга бўлган акциядорларнинг рўйхати овоз бериш натижасида ушбу Қонунга мувофиқ акцияларни қайтариб сотиб олишни талаб қилиш ҳуқуқи юзага келиши мумкин бўлган масалалар кун тартибига киритилган акциядорлар умумий йиғилишида иштирок этиш ҳуқуқига эга бўлган жамият акциядорлари реестрининг маълумотлари асосида тузилади – яъни 21.06.2023 йил холатига шакллантирилган реестр маълумотлари асосида.

Акцияларни қайтариб сотиб олиш акцияларнинг бозор қиймати бўйича, нақдсиз кўринишда пул ўтказиш йўли билан миллий валютада амалга оширилади. Жамиятнинг оддий  ва имтиёзли акциялари “Тошкент” Республикаси фонд биржаси котировка варағига киритилган бўлиб, ушбу қарор қабул қилинган кун холатига жамиятнинг бир дона оддий ва имтиёзли акциясининг котировка нархи 8 500,0 сўмни ташкил этади. Амалдаги қонунчиликка кўра биржа котировка нархи бозор нархи деб ҳисобланишини инобатга олиб, бир дона оддий ва имтиёзли акциялар акциядорлардан 8 500,0 сўмдан сотиб олинади.

Акциядорларнинг ўзларига тегишли акцияларнинг жамият томонидан қайтариб сотиб олиниши тўғрисидаги ёзма талаблари жамият (Тошкент вилояти, Ғазалкент шаҳри, Завод кўчаси 48-уй, “Konvin” AJнинг маъмурий биноси) манзилига ёки оаоkonvin@mail.ru электрон почтаси орқали  акциядорлар умумий йиғилишининг тегишли қарори қабул қилинган кундан эътиборан ўттиз кундан кечиктирмай тақдим этилиши керак. Мазкур муддат тугаганидан сўнг жамият қайтариб сотиб олиш талабини қўйган акциядорлардан акцияларни ўн кун ичида қайтариб сотиб олади.

Акциядорнинг ўзига тегишли акцияларни қайтариб сотиб олиш тўғрисидаги ёзма талабида акциядорнинг яшаш жойи (юридик шаслар учун - жойлашган ери) ва унинг қайтариб сотиб олинишини талаб қилаётган акциялар сони  кўрсатилган маълумотлар бўлиши керак (шунингдек акцияларни тўлаш учун маблағлар ўтказилиши лозим бўлган банк реквизитларини кўрсатилиши мақсадга мувофиқ).

Шунга кўра, ўзларига тегишли акциялари жамият томонидан қайтариб сотиб олинишини талаб қилиш ҳуқуқи вужудга келган акциядорлар юқорида келтириб ўтилган талабларга ҳамда амалдаги қонунчиликка кўра ўз акцияларини сотиб олиш талаби билан “Konvin” Ajга мурожаат қилишлари мумкинлигини маълум қиламиз. 

      Қўшимча маълумотлар олиш учун қуйидаги манзилга мурожаат қилишингиз мумкин.: Тошкент вилояти, Эски Тошкент посёлкаси, “Konvin” AJ. Тел: +998707421286

                                                   “Konvin” AJ  Кузатув кенгаши