Ҳурматли акциядорлар ва бозор иштирокчилари!

"Тошкент" Республика фонд биржаси "Универсал Суғурта" АЖнинг (УЗ7055380008) акциялари билан музокаралар савдоси секциясида ("Nego Board") эмитентга акцияларни сотиб олиш, акциядорларга эса Ўзбекистон Республикасининг "Акциядорлик жамиятлари ва акциядорларнинг ҳуқуқларини ҳимоя қилиш тўғрисида"ги Қонуни талабларига мувофиқ уларни сотиш ҳуқуқини амалга ошириш имкониятини бериш мақсадида битимларни амалга ошириш қайта тикланганлигини маълум қилади.

Битимларни амалга ошириш эмитентнинг мурожаати ва акциядорлар Умумий йиғилишининг 2025 йил 13 июндаги қарори асосида, шунингдек "Биржа листингига киритилмаган қимматли қоғозлар билан савдоларни ташкил этиш қоидалари"нинг 74-б бандига мувофиқ тикланади.

Эслатиб ўтамиз, "Универсал Суғурта" АЖ акцияларининг ҳаракати 2024 йил 23 августдан бошлаб ушбу акциялар билан тузилган битимлар бўйича нархларнинг кескин ошиши, шунингдек, эмитентнинг суғурта фаолиятини амалга ошириш ҳуқуқини берувчи лицензиясининг бекор қилиниши муносабати билан тўхтатилган эди.